e

koi ye kaise bataye ki woh tanha kyon hai
woh jo apna thaa wahi aur kisi ka kyon hai

yahi duniya hai to fir aisi ye duniya kyon hai
yai hota hai to aakhir yahee hota kyon hai

ek zara haath bada de to pakad le daaman
uske seene main samaa jaye humari dhadkan
itni kurbat hai to faasla itna kyon hai

dil-e-barbaad se nikla nahi ab taq koi
ek lute ghar pe diya karta hai dastak koi
Aas jo toot gayi phir se bandhaataa kyon hai

tum asar-rat ka kaho ya ise ghum ka rishta
kehte hain pyar ka rishta hai janam ka rishta
hai janam ka ye rishta to badalta kyon hai

Benaam

Benaam sa ye dard thahar kyon nahi jaataa
Jo beet gaya hai woh guzar kyon nahi jaataa

Sub kuchh to hai kya hai kya dhoondhti rehti hai nigahen
Kya baat hai main waqt pe ghar kyon nahi jaataa
Jo beet......

Woh ek hi chehra to nahi saare jahaan main
Jo door hai woh dil se utar kyon nahi jaataa
Jo beet......

main apni hi uljhi hui rahon ka tamaashaa
jaate hain jidhar sab main udhar kyon nahi jaataa
Jo beet......

Woh naam jo barson se na chehra na badan hai
Woh khwab agar hai to bikhar kyon nahi jaataa
Jo beet......

Naam gum jayega
chehra ye badal jayega
meri aawaaz hi pehchan hai
gar yaad rahe................

...

You need to listen it from Mehdi Hasan saahab to feel the pain


ranjish hii sahii dil hii dukhaane ke liye aa
aa phir se mujhe chho.D ke jaane ke liye aa

pahale se maraasim na sahii phir bhii kabhii to
rasm-o-rahe duniyaa hii niibhaane ke liye aa

kis kis ko bataaye.nge judaa_ii kaa sabab ham
tuu mujh se Khafaa hai to zamaane ke liye aa

kuchh to mere pindaar-e-muhabbat ka bharam rakh
tuu bhii to kabhii mujh ko manaane ke liye aa

ek umr se huu.N lazzat-e-giriyaa se bhii maharuum
ai raahat-e-jaa.N mujh ko rulaane ke liye aa

ab tak dil-e-Khush_faham ko tujh se hai.n ummiide.n
ye aaKhirii shamme.n bhii bujhaane ke liye aa

The following ashaar are by Talib Baghpati but Mehdi Hassan
always sings them as part of this Gazal.

maanaa ki muhabbat kaa chhipaanaa hai muhabbat
chupake se kisii roz jataane ke liye aa

jaise tujhe aate hai.n na aane ke bahaane
aise hii kisii roz na jaane ke liye aa

Poems and Articles I like

This blog contains some of my favourite poems/ sher/ ghazals etc. or a piece of article which I may refer. I'll be using roman hindi for sake of readablility everywhere. If some one can suggest alternate way then please do so. For starter let me present mirza ghalib:

Hain aur bhi duniya main sukhanwar bahut achhe
Kehte hain ki ghalib ka hai andaaz-e-bayaan aur.

For rest of my blogs please visit thequark.blogspot.com