Hum hi main thhe

A great ghazal written by Hafeez saahab and sung by Mehdi saahab

ham hii me.n thii na koii baat, yaad na tum ko aa sake
tumne hame.n bhulaa diyaa, ham na tumhe.n bhulaa sake

tum hii na sun sake agar, qissaa-e-Gam sunegaa kaun
kis kii zubaa.N khulegii phir, ham na agar sunaa sake

hosh me.n aa chuke the ham josh me.n aa chuke the ham
bazm kaa rang dekh kar sar na magar uThaa sake

shauq-e-visaal hai yahaa.N, lab pe savaal hai yahaa.N
kis kii majaal hai yahaa.N, ham se nazar milaa sake

raunaq-e-bazm ban gae lab pe hikaayate.n rahii.n
dil me.n shikaayaten rahii.n lab na magar hilaa sake

aisaa bhii ko_ii naamaabar baat pe kaan dhar sake
sun kar yakiin kar sake jaa ke u.nhe.n sunaa sake

ahal-e-zabaa.N to hai.n bahut koii nahii.n hai ahal-e-dil
kaun terii tarah "hafeez" dard ke geet gaa sake


http://www.stanford.edu/~ajohri/blog/archives/000084.html

dil ki aahatein

chand lafz apni zindagi ki kitaab se hame bhi padao
kya beeti kaisi beeti kuchh hame bhi sunao
kis panne pe kaun mila, panna palatate bichhad gaya
kahaan syahi ke daag lage hume bhi batao


----------------------------------------


beh rahe hain maujon main
kehte hue yahi
mar jayega ekdin
ye kehne wala kavi

-----------------------------------------

Words are birds,
they can fly
They can make you happy
and surely you can cry


- Prateek Agarwal Qaayal

Heard this from my dad and fall in love with this piece. Please listen it in Begum akhtar's voice:

kuchh to duniyaa kii inaayaat ne dil tod diyaa
aur kuchh talKhii-e-haalaat ne dil tod diyaa

ham to samajhe the ke barasaat me.n barasegii sharaab
aa_ii barasaat to barasaat ne dil tod diyaa

dil to rotaa rahe aur aa.Nkh se aa.Nsuu na bahe
ishq kii aisii ravaayaat ne dil tod diyaa

vo mere hai.n mujhe mil jaaye.nge aa jaaye.nge
aise bekaar Khayaalaat ne dil tod diyaa

aap ko pyaar hai mujh se ke nahii.n hai mujh se
jaane kyo.n aise savaalaat ne dil tod diyaa

A ghazal so close to my heart. Sung by Chitra singh and Begum Saahiba also:


ishq main ghairat-e-jazbaat ne rone na diya
warna kya baat thee jis baat ne rone na diya.........

aap kehte the ki rone se na badlenge naseeb
umr bhar aapki is baat ne rone na diya ......

rone walon se kaho unka bhi rona ro le
jinko majboori-e-haalaat ne rone na diya......

tujh se milkar hume rona thha bahut rona thha
tangi-e-waqt-e-mulaqat ne rone na diya......

ek do roz ka sadmaa ho to ro le 'faaqir'
humko har roz ke sadmaat ne rone na diya